Musicant | Museo Sacchero

Recension ëd MUSICANT e Grup Musicaj

A ven arportà belessì sota la lista dij Musicant che an época stòrica, opura atualment, a l'han sonà o a son-o musica popolar europenga.

Con ël nòm "Musicant" as veul indiché person-e da sole o grup che a l'han sonà o a son-o, almeno an part, le mùsiche arportà ant le Finalità dël Museo.

Se vòstr grup, ti personalment, quàich tò grand o quàich vej (o giovo) ë toa conossensa i seve ancora nen ant la lista, segnalenn-lo e i provederoma a l'agiornament!

J'anformassion che a servo, se aplicabile e se disponibile,

a son coste:

- Nòm dël Grup Musical

- Nòm e Cognòm dël Musicant

- Nòme d'art dël Musicant

- Strument musicaj sonà

- Region d'atività

- ativ da l'ann... opura ant j'agn ...

- Tipi ëd mùsiche sonà

- Mùsiche componuve o rangià dal Musicant

- Spartì dle musiche componuve o rangià

- Biografìa dël Musicant

- Marca e sit Web

- Fòto e anformassion stòriche

I veurerìa segnalé un Musicant

LISTA

An Piemont e regioni davsin:

Rinaldo Doro. Sò strument d'elession a son l’Organèt diatònich e la Viola dij bòrgno, anche se a disdegna pa la Cornamusa e tut lòn che a son-a. Atualment a l'é sòcio-ricercator dël C.E.C. (Centr Etnològich Canavsan) ëd Bajo Dòra (TO). A fa atività d'arsërca stòrich-musical, con publicassion amportante për la coltura piemontèisa e europenga. Coste publicassion a costituisso n'esempi che le struture universitarie për prime a deuvrìo seguité.

Enzo Conti. Ancaminand dal 1976 a s'ausin-a a la mùsica "folk" sonand l'armòni diatònich che a-i era ëd sò bisnòno. Dël 1977 a l'é un dij fondator dël grup ëd mùsica popolar piemontèisa "Tre Martelli", anté che a son-a ancora adess. Grassie a le conossense etnomusicològiche ambaronà an 40 agn d'ampegn ant cost setor, a l'é stàit ciamà come docent e relator an stages, seminari e convegn ansima la coltura popolar piemontèisa an Italia, Fransa, Germania, Belgio, Inghiltera, Svissera, Spagna. Dël 2007 a l'é stàit publicà ën volum che a cheuj j'At dël convegn "Stòria e folklor ant ël Monfrà ëd Giusep Ferraro" (Carpné, magg 2006), con 'na sò relassion antitolà: "La dansa etnica piemontèisa: survivensa e atualità".