Iconografia dla Mùsica popolar Piemontèisa e Europenga
​
A son belessì arportà dle figure con feste ëd borgà, feste paisan-e, baj campagnin, musicant an àmbit popolar, etc. Ij document iconogràfich a peudo essi dipint a euli, stampe o d'àutr ancora. Për decision artistica dël Museo le figure a l'han nen na sucession definìa, ma as treuvo dzortut ant l'ordin come a son stàiti carià. I valuteroma an doman, anche an relassion ai coment e sugeriment dij visitator, se e come fé dij classificassion për costa iconografìa.
​
Na part dle figure as riferiss a originaj che a son ëd colessionista privà. Costi colessionista an manera esplicita, o quàich vòta anònima, a l'han sostenù e a sosten-o cost Museo. Ël Museo a'ntend protege chi a possed dij dirìt ansima le figure. Për costa rason, chi a fussa anteressà ad avèj-ne na còpia a deuvrà ciamé (vardé la session Download). Ant l'istessa manera ël Museo a s'ampegna a regolarisé l'utilis ëd figure ëd terse part cuverte eventualment da quàich forma ëd copyright.
​​
La figura usà come sfond për ël sit dël Museo. A l'é un dipint a euli dla scòla ëd Teniers (1610-1690) con balerin e sonador ëd Cornamusa. Colession privà.
Ël dipint usà për la marca dël Museo. Ël piasì dla mùsica. Época: prinsìpi dl'Eutsent. Autor nen conossù. Colession privà.
Dansa dij pastor e festa dël racòlt con son dël còrn, dël tambornin e dla fluta. Época: Eutsent. Autor: Walter Crane (Varda cò la session spartì - mùsica inglèisa).
Oleografia con festa an campagna, giovo musicant a la viola a rova e danseur ansian. Época: fin Eutsent. Autor fransèis: Mureau. Colession privà.
Sonador ëd viola a rova. Sécol XVII-XVIII. Colession privà.
Stampa dla scòla ëd Teniers (1610-1690) con festa dla borgà, balarin e sonador ëd viola a rova. Collession privà.
Stampa a color dla scòla di Teniers (1610-1690): "Musicant ambulant" con sonador ëd violin e ëd piva. Collession privà.
Stampa dla scòla ëd Teniers (1610-1690): "Festa paisan-a" con sonador ëd cornamusa e balarin.
Colession privà.
N'àutra stampa dla scòla ëd Teniers (1610-1690) con sonador ëd cornamusa e balarin.
Dedicà al cont ëd Brissac. Colession privà.
N'autra stampa dla scòla ëd Teniers (1610-1690) con sonador ëd violin e balarin an circol.
Dedicà al duca ëd Cossé. Colession privà.
Sonador dla tradission popolar dla sità ëd Mòdica (Sicilia). Fabricà a metà dël Sécol XX, ma ispirà tra fin Eutsent e prinsipi dël Neuvsent. Belessì rapresentà come personagi dël presepi. Statua an tera crua, piturà a tempera e tratà con vernis fissativa trasparent.
Autor: Emanuele Modica, pitor d'origin sicilian-a, resident a Turin.
Colession privà.
Belessì sota, dj'àite statue dël medesim autor.
Sonador dë zampògna dël meridion. Pitor inglèis, Joseph Gilbert (1792-1855). Stampa publicà a Paris dël 1869. Colession privà.
Sala dla musica. Esposission dël 1884 al castél dël Valentin, Turin. Colession privà.
Bal campagnin a na Svissera a Brienz davsin a Berna. Ann 1891.
Milan. Edission Treves. Colession privà.
La matin. Ann 1885, 9 Agost. Autor Francesco Zonaro.
Milan. Edission Treves. Colession privà.
Ant na taverna an Ungheria. Pitor ungherèis, Michael von Leib Munkacsy (1844-1900).
Ann 1891. "L'Illustration, Journal Universel" Paris. Colession privà.
La festa per ël racòlt. Paris. Ann 1862. William Thomas (1830-1900).
Colession privà.
Sonador ëd GUZLA a Ragusa (ancheuj Dubrovnik an Croazia).
"L'Illustrazione Popolare". Milan. Edission Treves. Ann 1881.
Colession privà.
Salon baronal a Natal. Ann 1845. Pitor inglèis, Harden Melville.
Londra. "The Gallery of Engravings". Edission Fisher, Son & Co. Colession privà.
Festa popolar. Pitor olandèis d'inissi 1600, Pieter van Jabobaz Laer.
Leipzig - Dresden. Edission Payne. Ann 1875. Colession privà.
Matrimòni campagnin. David Teniers ël giovo (1610-1690).
Leipzig - Dresden. Edission Payne. Ann 1850. Colession privà.
Bal an taverna. David Teniers ël giovo (1610-1690).
Leipzig - Dresden. Edission Payne. Ann 1850. Colession privà.
