Cost Museo on-line a darà 'n
VALOR STÒRICH AL TÒ STRUMENT MUSICAL!
​
​
​
​
​
L'idèja a l'é cola ëd rapresenté nen mach ël Piemont, ma ëdcò j'àite region d'Euròpa. Se it l'hai në strument musical (o pì che un) e at piaserìa che a intrèissa a fé part dël Museo virtual on-line, alora it sé bin-ëvnù tra ij sostenitor dël Museo!
​
A-i na fa nen se lo strument a l'é pì nen a pòst e bin guernà. A van cò bin se a son-a pì nen o se a-i manca dij tòch. Pì a l'é amportant l'interessi stòrich o artistich e pì a sarà necessari consideré anche dij repert parsiaj.
​
Lo strument a resta tò e it deuvi nen cedi ëd dirit, ëd gnun tipo, né adess né ant ën doman. It deuve mach mandé fòto e video, pì ij dati técnich e stòrich. La presensa dlo strument (parèi coma ël nòm dël padron) ant ël Museo on-line a va considerà come n'onor e a l'é assolutament sensa vincoj contratuaj.
​
Ël Museo a dà për ognidun dij strument na pergamen-a che i doma për consèj ëd ten-i ansema a lo strument medesim. Costa pergamen-a a certifica formalment ël nòm dël registrant e l'inseriment dlo strument ant ël Museo virtual on-line.
​
Jë strument pì adeguà për ël Museo a son dzortut coj descrit ant ël Contest Stòrich Coltural dël menù. Con tut lòn as valuterà cò l'inseriment dë strument nen antich e provenient da aree geografiche diverse. Sòn specialment se jë strument a son ëd fabricassion artigianal, opura, për quàich rason, a son d'anteressi particolar. I ciamoma tò nòm për peudèilo marché (se it n'autorise) ant la Lista di Sostenitor, ma i veuloma nen registré, né conòsse, ël pòst anté che a ven-o guernà jë strument.
​
Jë strument d'anteressi che as treuvèisso già an quàich strutura museal, a peudo macassìa esse registrà ant nòstr Museo on-line. Sòn apress l'autorisassion dij responsabij dle struture che a-i guerno.
​
Nòstr Museo a peudrìa an doman avèj na soa sede "fìsica". Se i riessìsso a fé sòn, alora i anformeroma nòstr sostenitor, colessionista priva, che a veurèisso an doman cede an quàich manera sò strument, opura lasselo an ardità al Museo medesim.
​