I son un giovo sonador ëd fisa apassionà ëd mùsica tradissional e vej tòch balàbij. Con piasì temp fa i l'hai dëscheurbì l'esistensa ëd cost sit, che an pias për come a l'é fàit e për sò obietiv. A në smija ùtil propon-i ëd gionté un tassel amportant për la mùsica e la dansa ëd nòstra region: a manca a vòstr museo na documentassion dla mùsica e dël bal tradissional dla Val Varaita, un ver giojel dël panorama alpin ossidental.

A sarìa ampossibil cheuje an pòche righe ël patrimòni material e nen material che da temp a l'é stàit cheujì e ancora adess a ven guernà e mantnù viv; però i treuv giust rendvi notissia ëd quèj publicassion, frut d'arsërche diligente. Jouzep da' Rous, violinista dla Val Varaita - vita e repertori, di Jan Peire de Bousquier (Gianpiero Boschero) e Maurizio Padovan Jouan Bernardi, fisarmonicista dla Val Varaita - vita e repertori, con aprofondiment an slë danse tradissionaj, ëd G. Boschero, Rachel Clerc e Claudio Fiabane. Tra costi doi volum, ël  prim a l'é giumai fòra comersi da temp, ma i chërd che as peuda ancora treuvé-se usà; lo scond (anté che i l'hai colaborà cò mi) a l'é anvece fresch da stampa e as peud caté-se diretament dal sit dl'editor (Fusta editor).

Sperand con so-si ëd fé còsa gradìa, iv fass ancora ij compliment per ël sit.

​​​

Alberto

 

Fossan - Piemont